Nafarroako elikagai ekologikoen azokarik handiena Noaingo Zentzumenen Parkean egingo da aurten ere, irailaren 15, 16 eta 17an hogeita hamar postu baino gehiagorekin; horrez gain, gune gastronomikoa, hitzaldiak, tailerrak, musika, antzerkia eta haurrentzako jarduerak izango dira parkean.
Azoka Nafarroako sektore ekologikoak herritarrekin duen hitzordu nagusia da, bai erosteko, eta baita elikagai ekologikoak ezagutzeko eta publiko guztientzako jardueraz betetako tarte atsegina pasatzeko pentsatutako azoka ere.
Nafarroako VIII. Azoka Ekologikoa, batez ere, topagune bat da, herritarrak elikagai ekologikoak erostera joaten diren espazioa, baina baita sentsibilizatzera eta elikadura osasungarri eta jasangarriari buruz hausnartzera ere. Mº Jose Arrondo CPAEN/NNPEKeko lehendakariak prentsaurrekoan adierazi duen bezala, “gero eta pertsona gehiagok eskatzen dituzte elikagai osasuntsuak, kimikorik gabeak eta modu jasangarrian ekoiztutakoak, sektore estrategikoa eta hazten ari dena izanik”. Horregatik guztiagatik, adierazi du Nafarroako VIII Azoka Ekologikoa eskaera horri erantzuten diola, “kontsumoa sustatzeko, elikagai ekologikoak ezagutarazteko eta ekoizleentzako merkaturatze-bide laburrak ezartzeko”.
Bestalde, Nafarroako Gobernuko Landa Garapeneko eta Ingurumeneko kontseilari José Mº Aierdik berretsi egin du “Departamentuaren apustu eta borondate politiko argia, nekazaritza ekologikoaren sustapenaren alde eta ekoizpen ekologikoa suspertu, profesionalizatu, sozializatu eta sustatzeko borondatearen alde egin duena, CPAEN/NNPEKen lehendakaritza berriarekin bat eginez”. Era berean, aitortu du “produktu ekologikoa aberastasuna dela lurraldearentzat, elikadura osasungarriaren aldeko apustua, ekoizpen sistema jasangarriaren aldekoa, edo, azken batean, funtsezko tresna dela landa mundu bizi eta aktibo baten alde lan egiteko”.
Prentsaurrekoa gaur egin da Zentzumenen Parkean, eta Noaingo alkate Sebastián Marcok ere parte hartu du. Azokara joateko eta Noaingo nortasun-ikur eta Iruñerrirako erreferentzia den Zentzumenen Parkeaz gozatzeko deia egin du.
Jardueraz betetako egitaraua
Azoka bera ostiraletik igandera egiten bada ere, aldez aurreko hitzordu bat egongo da ostegunean, hilak 14, El Mar del Norte taldearen antzerki-foro ikuskizun batekin, Biela eta Tierrarekin elkarlanean. Ikuskizunak “Eta tritoiak hiltzen badira” du izena, gure plateretan jartzen ditugun elikagaiei buruz eta gure osasunean eta gizartean duten eraginari buruz hausnartzeko.
Irailaren 15etik, ostirala, 17:00etatik aurrera hasiko da azoka, eta bertan, enpresek eta ekoizleek, besteak beste, ardoak, garagardoak, gaztak, olioak, lekaleak, txokolatea, kafeak, marmeladak, barazkiak, kontserbak, haragia, haziak, kosmetika, ogiak eta pastak edo zukuak izango dituzte eskuragarri. Enpresa ekologiko gehienak Nafarroakoak badira ere, beste autonomia-erkidego batzuetatik ere etorriko dira, hala nola Errioxatik, Andaluziatik, Valentziako Erkidegotik edo Kantabriatik.
Azokaz gain, gune gastronomikoan elikagai ekologikoak dastatu ahal izango dira Geltokiren eskutik; iaz bezala, larunbatean bertako animalia eta arrazen erakusketa gune bat egongo da, baita asteburu osoan zehar jolas gunea izango duen haurrentzako gune bat ere. Gainera, bisita gidatuak antolatu dira Zentzumenen Parkera, dastaketak eta elikagaien dastatzeak, musika emanaldiak eta antzerki dinamizazioa. Jardueren artean, Goiza Isiegas CPAEN/NNPEKko EKOchefaren showcookinga edo ‘Biela y Tierra en ruta’ liburuaren aurkezpena nabarmentzen dira, besteak beste.
Azoka familia gune gisa ere pentsatuta dago, eta haurrentzat ostiraletik igandera bitartean hamaika jarduera egongo dira: puzgarriak, txikizuku merienda edo zirku tailerra, yoga familiarra edota erraldoi elektrikoen konpartsa…
Programa osoa hemen eskura dezakezue.
Nafarroa, gero eta ekologikoagoa
Nafarroako nekazaritza-ekoizpen ekologikoak 800 ekoizletik gorako eta 66.000 hektareatik gorako 2.500 elikagai ziurtatu baino gehiago ditu, hau da, lurraldeko nekazaritza-azaleraren %7,4. Hala ere, oraindik urrun dago Europako Batzordearen helburua lortzetik. Izan ere, ‘Baserritik Mahaira’ izeneko estrategian zehazten denez, 2030ean Europako nekazaritza-azaleraren % 25 ekologikoa izan behar da, eta horrek adierazten du ahalegin handia egin behar dela oraindik, Nafarroak zifra horiek lortu nahi baititu.
Nafarroko VIII Azoka Ekologikoak ahalegin horretan lagundu nahi du, sentsibilizazio eta salmenta zuzeneko merkatuarekin. Horri esker, Zentzumenen Parkera hurbiltzen diren pertsona guztiek ekoizle ekologikoak ezagutu ahal izango dituzte, eta elikadura osasungarri eta iraunkorrari buruz gehiago ikasi, produktu ekologikoak nola lantzen eta lantzen diren jakiteko.
AZOKAREN ORDUTEGIA
15, 16, 17 IRAILA 2023
- Irailaren 16an, ostirala: 17:00etatik 20:30era
- Irailaren 17an, larunbata: 11:00etatik 14:30era eta 17:00etatik 20:30era
- Irailaren 18an, igandea: 11:00etatik 14:30era
NAFARROAKO VIII AZOKA EKOLOGIKOA
- NAVARRSOTILLO BIODYNAMIC & ORGANIC WINES. Vino. Andosilla (Nafarroa)
- PASTA MARTINELLI. Pasta. Beriain (Nafarroa)
- EL PUENTE VIEJO, HORTALIZA Y FRUTA ECOLOGICA. Barazkiak. Caparroso (Nafarroa)
- ACEITE FUENTE DE GAROS. Olioa. Oteiza (Nafarroa)
- ERLANDERE EZTIAK. Eztia eta propoleoa. Arbeiza (Nafarroa)
- ACEITE ECOLÓGICO JESÚS ARANDA. Olioa eta almendrak. Faltzes (Nafarroa)
- BIOINTEGRA-ASPACE NAVARRA. Esnea, gazta eta iogurta. Orreaga (Nafarroa)
- AFORTUNATO CAFÉS. Kafea eta txokolatea. Pamplona (Nafarroa)
- EKOLLAONDO. Ahuntz gazta eta arrautzak. Goldaratz (Nafarroa)
- CONSERVAS EBRON. Barazkiak. San Adrian (Nafarroa)
- MERMELADAS CASA PAULINA. Lurmendi marmeladak. Eulate (Nafarroa)
- AXURIBELTZ. Ardi gazta. Iturgoien (Nafarroa)
- ELKEA PRODUKTU EKOLOGIKOAK. Olioa, garagardoa, furtak eta barazkiak. Bakedano (Nafarroa).
- JAVIER ANOCIBAR.Patata, lekaleak eta fruta. Munarriz (Nafarroa)
- ARTOTXIKI. Jan-Burger, sarrazeno garia eta txitxirio garia. Iguzkiza (Nafarroa)
- DOMIÑA. Betizu behien haragia eta hestekiak. Goizueta (Nafarroa)
- LAKABEKO OKINDEGIA. Ogia eta pastak. Lakabe (Nafarroa)
- SESMA BREWING CO. Garagardoa. Sesma (Nafarroa)
- COSMÉSTICA FRESCA. Kosmetika freskoa. Iruñea (Nafarroa)
- TEKNABLEU. Ura, dutxa filtroak. Bera de Bidasoa (Nafarroa)
- ASENNA. Endometriosis elkartea. San Adrian (Nafarroa)
- REAS NAVARRA. Ekonomia social eta solidarioaren materiala eta informazio gunea. Berriozar (Nafarroa)
- ARANDANO ECORICO. Ahabiak. Zarautz (Gipuzkoa)
- ECORIGINAL ORGANIC. Hazi ekologikoak. Barcelona
- QUESOS DE CATI. Gazta, ardoa, zukua eta txokolatea. Cati (Castellón)
- LURREKO AROMATICAS Y BIODIVERSIDAD. Infusioak eta gozagarriak. Prejano (Errioxa)
- IGONENATURAL. Kosmetika, xaboiak, intsentsu eta sahumerioak. Onil (Alicante)
- JABON ZORRO DÀVI. Xaboia, txanpua eta balsamoak. Castellanos de Sanabria (Zamora)
- ALOE VIDA ECOLOGICO. Kosmetica. Málaga
- GRANADAS ECOLOGICAS. Granadak, granada zukua eta zitrikoak. Pucol (Balentzia)
- NUTXES – OBRADOR DE APOYO. Txokolatea, turroiak eta pastak. Jijona (Alicante)
- COMO UNA MANZANA ARTESANIA DE FRUTA. Zukua, siropea, jalea, infusioa eta ozpina. Lloreda de Cayón (Cantabria)
