Atzo hasi ziren ‘Reyno Gourmet-eko Zirkulua’ izeneko eskola-tailerrak, Lehen Hezkuntzako 5. eta 6. mailako ikasleei zuzenduak, INTIA sozietate publikoak bultzatu eta kudeatutako Reyno Gourmet markak antolatuta. Ekimen hau hartu duen lehenengo ikastetxea Iruñeako ‘Santísimo Sacramento’ izan da.
Helburu nagusia Nafarroako ikasleei Foru Komunitateko lehen sektorea eta haren elikagai ekoizpen desberdinari buruzko ezagutzetara hurbiltzea da. Gainera, dauden nekazaritzako elikagaien kalitate-zigiluei buruzko informazioa ere eman nahi du, jatorri-deiturak, adierazpen geografiko babestuak edo ekoizpen ekologikotik, besteak beste. Tailerretan elikadura osasuntsu, osasungarri eta jasangarriari buruzko informazioa eta jarraibideak biltzen dira.
Nafarroako Gobernuko Landa Garapenerako Departamentuak INTIArekin urtero ezartzen duen Nafarroako nekazaritzako elikagaien kalitate bereiziko ekoizpenak sustatzeko hitzarmenaren barruan kokatzen da eskola-jarduera.
2023an zehar, 90 minutuko tailerrak egingo dira, bi saiotan banatuta, Nafarroako bost ikastetxetan, eta 200 ikaslek baino gehiagok parte hartuko dute. Hala, Iruñeko ‘Santísimo Sacramento’ ikastetxeak atzo estreinatu zuen jarduera, eta Burlatako ‘Amor de Dios’ ikastetxeak (urriaren 25ean, asteazkena), Valtierrako ‘Félix Zapatero’ HLHIk (urriaren 26an, osteguna), Martzillako ‘San Bartolomé’ HLHIk (urriaren 27an, ostirala) eta Buñuelgo ‘Santa Ana’ HLHIk (urriaren 30ean, astelehena) ere egingo dute.
Jolas kooperatiboan oinarritutako ikaskuntza
Tailer bakoitza bi zati didaktikotan egituratzen da. Lehenengoan, Alba Izaskun Ripodasek, esnetarako ardien biologo eta abeltzainak eta gaztagileak sarrera antzeztu bat egingo du, ikasleekin interakzioa bilatzeko.
Bigarren zati ludiko batean, ‘Zirkulua’ -ko joko kooperatiboaren bidez ezagutzak finkatu nahi dira, hainbat talde eta frogen bidez. Bertan, ikasleek ‘lehen mailako produkzioko’, ‘merkatuko’ eta ‘kontsumitzaileetako’ rolak bereganatuko dituzte, eta elkarrekin lan egin beharko dute elikadura orekatua, tokikoa eta Nafarroako kalitatezko elikagaiekin lortzeko, horrela Reyno Gourmeten ‘Zirkulua’ osatzeko.
Tailer bakoitza amaitzerakoan, irakasleek fitxa didaktiko bat jasoko dute, nahi izanez gero ikasgelan ikasten jarraitzeko aukera izateko. Era berean, banakako jardueren koaderno bat emango zaie ikasleei. Horrela, etxean zein eskolan lan egin ahal izango dute.
