Reyno Gourmet-ek webgune berri bat kaleratu berri du, Nafarroako Kalitatezko produktuen irudia eta presentzia sarean hobetzeko asmoz. Webgunearen ataria zabaldu egiten da eduki eta funtzionalitate berriekin, Reyno Gourmet-i eta Nafarroako Jatorri Deitura, Adierazpen Geografikoa eta beste Kalitatezko Ziurtagiri batzuk dituzten produktuei buruzko informazio sakona eskaintzeaz gain.
Azken emaitza web orri erakargarri eta erabilerraz bat da, erabiltzailearen esperientzia hobetzea bilatzen duena. Multimedia eduki zabala du, bideoak, bideo-errezetak eta irudi-galeria ikusteko aukera ematen duena. Ikusizko edukiaren berrikuntza osatzen da ulermena eta nabigazio intuitiboa errazten dituen egitura batekin, internautak dituen informazio ugariak esploratu ahal izan ditzan.
Webguneak Nafarroako kalitatezko markei buruzko informazio zabala eskaintzen du; erabiltzaileari ezaugarriak, zehaztasunak eta hauen egiteko moduak sakonki ezagutzeko aukera ematen dio, baita hauen historia eta salmenta-puntuan nola identifikatu ere. Gainera, gure erkidegoan bereiz daitezkeen beste elikagai berezi batzuk barne hartzen ditu, hala nola bertako abere-arrazak eta tokiko bestelako landare-produktuak.
Ikuspegi profesional batetik, webgunea tresna bat bezala eratzen da, alegia, enpresek online erregistroa eska dezakete markan edo Nafarroako entseinak kudeatzen dituen elikagai-azoketan izena eman dezakete.
Webgunearen edukia lau hizkuntzatan eskaintzen da: gaztelania, euskara, ingelesa eta frantsesa, tresna baliagarri batean bihurtuz Nafarroako Kalitate Markak mugaz gaindiko eta nazioarteko ingurunean ezagutarazteko.
The Room 116 izan da INTIAk 2021ean egindako agentzien homologaziorako lizitazio-prozesuan aukeratu duen enpresa, Reyno Gourmet-en webgune berriaren diseinua eta programazioa garatzeko: www.reynogourmet.com
SEOren hobekuntza
SEOren hobekuntza funtsezkoa da markaren bilatzaile motor-nagusietan ongi kokatzeko eta balio handiko edukiak sortzeko, eta, plugin multzo baten eta SEO tekniken bidez lantzen ari gara, eta hauek www.reynogourmet.com webgunera trafikoa modu naturalean eramaten lagunduko dute.
Horretarako, optimizatu egin dira egitura, edukiak, gailu mugikorretarako moldaerraztasuna, irudiak, Googleren orrialde bakoitzeko emaitza indibidualak, URLak, goiburuak, estekak, eta abar.
Azoken eta newsletterren orri profesionala
Garrantzi berezia hartzen duen ataletako bat Ferien orria da, profil teknikoagoa duena. Bertan, areto profesionaletarako deialdiak argitaratzen dira, eta enpresek INTIAren Balio Katearen Arloak kudeatutako stand elkartuetan parte hartu ahal izateko beharrezko baldintzak eta informazioa jasotzen dira.
Publiko orokorrari zuzendutako newsletterrak, hilero izena ematen duen orori markak antolatutako informazio eta ekitaldiak, izendapenen eta Reyno Gourmeti atxikitako enpresen berri interesgarriak, azoka profesionalak eta sektoreko beste gai garrantzitsu batzuk eskainiko dizkio. Harpidetza web-orriaren orri nagusitik egin daiteke: www.reynogourmet.com
Reyno Gourmeti buruz
Reyno Gourmet Nafarroako Gobernuak 2007an sortutako berme-marka bat da, eta INTIA S.A. enpresa publikoak kudeatzen du. Kalitate-ziurtagiria duten nekazaritzako elikagaiak identifikatzen eta babesten ditu, bai eta ezaugarri bereziak izateagatik Foru Komunitatean bereiz daitezkeen beste batzuk ere. Horrela, marka funtsezko tresna bihurtzen da produktu hauek merkatuan ezartzen eta identifikatzen laguntzen duen irudi komuna sustatzeko eta proiektatzeko.
